العودة   منتدى قلوب > الاقسام الادبية > القصص والروايات
اجعل كافة الأقسام مقروءة

القصص والروايات منتدى لـ كتابة القصص والروايات و القصة القصيرة و الروايات و الحديث عنها و نقاشها

إضافة رد
 
أدوات الموضوع انواع عرض الموضوع
قديم 11-07-2009, 09:46 PM   #1
جنوني يحليني

 
الصورة الرمزية جنوني يحليني
 
تاريخ التسجيل: Oct 2009
الدولة: ●▪●في قلب يغليني●▪●
المشاركات: 2,504
معدل تقييم المستوى: 10
جنوني يحليني سوف يكون مشهور قريبا
افتراضي قصة شاب دخل الشات باسم بنت!!

بسم الله الرحمن الرحيم
مقدمه:اعضاء المنتدى هذي القصه عورت لي قلبي لما قريتها
وحبيت انه انقلها لكم..عسب تشوفون معاي
خطورة انك تدخل الشات بإسم بنت حتى لو سبيل مزاح لانك ماتدري وين ممكن يوصل..
المهم مابطول عليكم واتمنى تقرونها للاخير وتقولون رايكم...

جراح ويوسف ربع من زمان وتعرفون المواقف والدقات اللي تصير بين الربع
بس هالمرة الموقف اللي سواه يوسف بجراح
موقف ضيع حياة جراح
خلونا نشوف أحداث هالقصة ويا بعض
**********
جراح كان داخل الجات بنك (( أدور على حب )) والحبيب داش جو مو طبيعي
وطايحله سوالف مع بنات خلق الله
إتصل عليه رفيجه يوسف ودار بينهم هالحوار
جراح : ألووو
يوسف : ألووو هلا والله جراحووو
جراح : هلا فيك حبيبي .. ها خير آمرني
يوسف : شنو آمرني .. ! تصرفني ويا ويهك
جراح : لا والله بعد عمري إنت بس آنا منهمك بالجات قز قز مو طبيعي يويسف وناسة
يوسف : ممم خوش عيل شنو نكك .. ؟
جراح : ليش بتدخل علي .. ؟
يوسف : لا والله آنا وين والجات وين خبرك عتيج ما قمت أدخل زهقت منه
جراح : ممم والله آنا نكي (( أدور على حب )) تعرف يمكن أصيدلي رمااانة من هالفواكه الموجودين بالجات
يوسف : أي رمان وأي فواكة .. ! حبيبي هذول بنات مو خضرة لوووووووووول
جراح : ههههههههههااااااااااي
يوسف : أوكي حبيبي آنا ماشي الحين بروح أنام تامرني على شي .. ؟
جراح : لا قلبي سلامتك نومة العافيه انشالله
يوسف : الله يعافيك .. تصبح على خير
جراح : وإنت من أهل الخير
يوسف : باااي
جراح : بااايااات
طبعا يوسف مافيه النوم وأصحى مني ومنكم بس أهو مجهز موقف ودقه محترمة حق رفيجه جراح
يوسف دخل الجات ودخل بنك (( أبي واحد يحبني )) يعني منتحل شخصية بنية
وقعد ينطر وينطر وياكل بطاااط و بيبسي
لما دخل عليه نك (( أدور على حب )) لوووووووووول
اللي أهو جراح
جراح المسكين ما يدري عباله بنيه صج لوووووووووول
ودار بينهم هالحوار
جراح : مساء الخير
يوسف : مساء النور ياهلا
جراح : شلونج شخبارج
يوسف : الحمدلله زينة .. وإنت شلونك
جراح : آنا بخير دامج بخير
يوسف : دوم انشالله مو يوم
جراح : تسلمين ما تعرفنا عليج يا حلوة
يوسف : معاك شيماء وإنت .. ؟
جراح : عاشت الأسامي .. معاج جراح
يوسف : عاشت أيامك .. الله إسمك يهبل وااايد حلو ستاااااااااايل
جراح : تسلمين من ذوقج .. مادري شلون بنام اليوم
يوسف : لا آنا قلت إسمك يهبل مو إنته .. وبعدين تنام ما تنام كيفك
جراح : أووو ليش جذي تكسرين فيني .. آنا زعليت خلاص
يوسف : آسفة
جراح : لا كلا واحد .. شيماء جم عمرج .. ؟
يوسف : 18 وإنت ؟
جراح : 19
يوسف : العمر كله .. الله إنته أكبر مني
جراح : طبعا طبعا .. يالله روحي سويلي بيض طماط بسرعة
يوسف : واي حدك واثق
جراح : طبعا واثق .. شيومه شلون الجات معاج اليوم .. ؟
يوسف : يعني .. وبعدين تعال ليش تدلعني .. ؟ من عطاك الحق
جراح : تنساني وتروح وحده وحده حتى أستوعب كلامك والجروح
يوسف : واااي ملاقة
جراح : شيومة شيومة
يوسف : هلا خير
جراح : لا بس قاعد أجرب الكيبورد .. لوووووووووول
يوسف : لوووووووووول .. تصدق عاد إنته تهبل تونس وااايد .. شكلك ما تحب ولا جربت الحب
جراح : لا والله ما صار نصيب وبعدين ماكو اللي تستاهل أحبها
يوسف : إي والله صاج .. بس في بنات شحلاتهم يهبلون وأخلاقهم وايد حلوه
جراح : إي شيومة في بس قتلج للحين ما صار نصيب
يوسف : إنت مشالله عليك روحك حلوه تضحك وتونس الله يخليك حق أهلك
جراح : صج .. ؟
يوسف : إي والله صج .. آنا ما حب أجامل أحد
جراح : بعد عمري والله
يوسف : شنو .. ؟
جراح : آسف إطلعت عفويه من غير قصد
يوسف : لا عادي
جراح : ممم أنا ما أشوفج تضحكين وايد ليش .. ؟
يوسف : إي والله صاج آنا ما أَضحك وايد حياتي تعاسه بتعاسه
جراح : أفا ليش .. ؟
يوسف : إنت لما قلتلي بعد عمري آنا وايد استانست بس ما حبيت أبينلك .. آنا محد يقولي
مثل هالكلام .. أهلي بالبيت يعاملوني جني خدامه مو بنتهم
جراح : كل هذا فيج
يوسف : وأكثر من جذي
جراح : تصدقين ودي أسمع منج وايد سوالفج ما تنمل بس آنا الحين لازم أروح .. ممكن طلب ..؟
يوسف : تفضل
جراح : ميخالف أضيفج عندي بالإيميل هذا إذا ما عندج مانع
يوسف : والله مادري شقولك .. آنا ما أضيف شباب عندي
جراح : بس آنا مو من هالشباب وإنشالله ما تشوفين مني إلا كل خير
يوسف : أدري .. وإنت مبين عليك خوش صبي وآنا بضيفك وإنشالله ما أشوف منك قاصر
جراح : لا إنشالله ما تشوفين مني إلا كل خير
يوسف : عطني إيميلك وآنا أضيفك
جراح : أوكي هذا إيميلي .......... متى تضيفيني .. ؟
يوسف : إنشالله الحين
جراح : أوكي آنا طالع الحين تامريني على شي .. ؟
يوسف : سلامتك
جراح : أشوفج على خير إنشالله .. مع السلامه
يوسف : الله يسلمك
**********
فلم يوسف مشى على جراح المسكين
وجراح عاش بوهم
ويوسف ما تاب صار يسولف مع جراح كل يوم بالمسنجر
وطبعا يوسف للحين منتحر شخصية شيماء
وجراح المسكين عاش بأجواء الحب وتولع بشيماء
وطلب يشوف صورتها
والثعلب يوسف مضبط شغله
حط حق جراح صورة بنية حاطه شيله على راسها وهالبنيه حلوه وايد
وجراح لما شاف الصوره لا ليله ليل ولا نهاره نهار
خلاص إنفجر
الحب سيطر عليه من كل مكان
وصار ينفذ أوامر شيماء أقصد يوسف
وهالدقه اللي مسويها يوسف تتوقعون جم إستمرت .. ؟
سنة كاملة
يوسف للأسف ما مل من هاللعبه
سبحان الله
جراح يبجي وما ينام الليل من كثر الشوق واللهفه والحنين اللي فيه
وينطر متى يصير باجر عشان يسولف ويا شيماء
أقصد الوهم
ويوسف الله يسامحه
ميت من الضحك عليه
**********
يوسف قام يحلي اللعبه
صار ما يشبك
وطبعا جراح المسكين قام يحاتي ويدز إيميلات
ويوسف ميت ضحك
جراح صار واحد ثاني
ما يطلع من بيتهم
كلا قاعد بداره
يتخيل صورة شيومه حبيبته
يتخيل سوالفها
دلعها
روحها الحلوه
ويبجي ويبجي
**********
بعد شهرين
شبك يوسف
وجراح طار من الفرحة
قال حق شيوم ليش ما تشبكين .. ؟ وشرحلها شوقه وحنينه
وقاموا يسولفون
جراح ما قدر يصبر
قال حق شيوم أبي رقمج بكلمج بالتلفون
شيوم إرفضت تدرون ليش .. ؟
لأن صوتها خشن
لوووووووووول
اللي أهو صوت يوسف هالتعبان اللي ما يستحي
فقررت شيوم إنها تواعد جراح
ودار بينهم هالحوار
جراح : حياتي يعني الحين شلون ماراح أسمع صوتج .. ؟
يوسف : حياتي لا تزعل روحك جذي .. أنا عندي فكرة
جراح : شنو .. ؟
يوسف : شرايك تشوفني .. وبجذي راح ناخذ على بعض أحسن من التلفون بألف مرة
جراح : من صجج إنتي .. ؟
يوسف : إي والله من صجي
جراح : الله وناااااااااااسة
يوسف : وآنا شبي غير وناستك يا بعد عمري
جراح : حياتي والله .. إنزين شيومتي أي مكان راح أشوفج فيه .. ؟
يوسف : ممم شوف الساعة 9 بليل بالحديقة شرايك
جراح : صار بس شنو راح تلبسين .. ؟
يوسف : ممم راح اكون لابسه شيله ونقاب وعبايه
جراح : وي وي وي ليش كل هالعذاب .. ؟
يوسف : حياتي عشان ما أبي احد يشوفني
جراح : أوكي حياتي صار
جراح طبعا ما يحتاي أوصفلكم شعوره
الأخ المسكين راح الصالون ما خلا شي ما سواه بويها
سنفرة وتنظيف بشرة وحلق وظبط شغله وكشخ
وراح الحديقه الساعه 5
ينطر الساعه تصير 9 عشان يشوفها
مسكين كل هذا حب .. ؟
قاعد ينطر وينطر
وأخونا الشيطون الثاني يويسف
رايح بازار فحيحيل يشتري دراعة وعباية وشيلة ونقاب
قرب الموعد
يوسف لبس الدراعة وتعطر من عطر حمامهم
ولبس الشيله والنقاب والعبايه
والأخ يعني صايد الحركة
راح كحل عينه
ههههههههههااااااااااي
صارت الساعة 9 بليل
راح يويسف الحديقه وقعد بالكرسي
نزل جراح من السياره وغرق روحه بالعطر المسكين
دخل الحديقه وقام يدور على وحده منقبه وعبايه
لقاها قاعده آخر شي
قرب صوبها
وبدأت ساعة الصفر
طبعا يوسف ما خلا عسل ما شربه عشان ينعم الصوت
هههههههههه
ومشت على جراح لعبة الصوت
لأنه منهمك بالحب ولا ركز على هالشغلات
ودار بينهم هالحوار
جراح : قوة
يوسف : قوتين يا هلا
جراح : إنتي شيوووم .. ؟
يوسف : إي آنا شنو ما عرفتني
جراح : لا أعرفج بس حبيت أتأكد
يوسف : والحين تأكدت .. ؟
جراح : إي بعد عمري تأكدت
يوسف : واااي على هالحجي الحلو
جراح : سمعيني شيوم آنا أموت فيج أحبج وااايد وااايد مستعد أذبح روحي عشانج
يوسف : بعد عمري لا تقول تذبح روحك .. سملة عليك
جراح : حياتي عفيه بكلمج بالتلفون
يوسف : آنا ودي أكلمك بس ماقدر ماقدر
جراح : ليش .. ؟
يوسف : تلفوني مافيه رصيد كلش
جراح : ههههه لا يا عمري آنا راح أتصل عليج مو إنتي
يوسف : حياتي إنتا ما تقدر تتصل علي لأن خطي مصفر مافيه ولا فلس وراح يطلعلك
(( لا يمكن الإتصال على المشترك حاليا ))
جراح : أوكي خلاص اليوم روحي إشتريلج كرت وعبي
يوسف : من وينلي فلوس .. ؟ أبوي ما يعطيني ولا أمي مادري شفيهم علي هالأيام
جراح : ولا يهمج حياتي دقايق بروح أشتريلج كرت وأرد
يوسف : لالا مابي أكلف عليك
جراح : لا عمري لا كلافة ولا شي و إنتي مني وفيني
راح جراح يشتري كرت حق شيوم
وطبعا الأخ الفاضل يويسف
رفع النقاب
ويها عرق
قام يستنشق الهواء
وأهو ميت ضحك
شاف جراح ياي من بعيد
غطا ويها
وصل جراح
ودار بينهم هالحوار
جراح : هاج عمري هذا الكرت
يوسف : وي وي بعد عمري مشكور ما قصرت
جراح : أفا عليج جم شيومه عندي
يوسف ما قدر يستحمل
فصخ النقاب والشيله
وشوفوا شصار
جراح : يو يوس يوس يو يوسس يوسف .. ؟
يوسف : كاااااااااااااااااااااااا اااااااك يالخروووووووووووووووووووو ووووووووووف
**********
شنو تتوقعون موقف جراح ..؟
من بعد القصة اللي عاشها والسنة اللي خذاها بالحب والشوق والحنين
لشيماء اللي إطلعت وهم
وهالحب الوهمي اللي بناه وفكر إنه يوصل للزواج
كان لعبة من رفيجه
جراح إنصدم وظل واقف بمكانه ما يتحرك
ريوله تهتز مو قادره تشيله لما طاح وأغمى عليه
يوسف خاف على جراح وشاله ووداه المستشفى
وللأسف جراح ياله إنهيار عصبي وصار مينون وبظل طول عمره بالمستشفى
..
منقوله
:وهـ2:
[/QUOTE]
__________________
جنوني يحليني غير متواجد حالياً   رد مع اقتباس
قديم 11-07-2009, 09:56 PM   #2
صمـ الخفوق ـت

يأمقلب القلوب والأبصار ثبت قلبي على دينك

 
الصورة الرمزية صمـ الخفوق ـت
 
تاريخ التسجيل: Aug 2009
الدولة: المدينـــه المنــــورهـ
المشاركات: 11,723
معدل تقييم المستوى: 22
صمـ الخفوق ـت يستحــق التمـــيزصمـ الخفوق ـت يستحــق التمـــيزصمـ الخفوق ـت يستحــق التمـــيز
افتراضي

قصه رائعه ومؤثره

الله يعطيك العافيه خيووو
__________________
.
صمـ الخفوق ـت غير متواجد حالياً   رد مع اقتباس
قديم 11-07-2009, 10:54 PM   #3
جنوني يحليني

 
الصورة الرمزية جنوني يحليني
 
تاريخ التسجيل: Oct 2009
الدولة: ●▪●في قلب يغليني●▪●
المشاركات: 2,504
معدل تقييم المستوى: 10
جنوني يحليني سوف يكون مشهور قريبا
افتراضي

الله يعافيك أختي
نورتي
__________________
جنوني يحليني غير متواجد حالياً   رد مع اقتباس
قديم 11-09-2009, 09:35 AM   #4
هٍَمًسٌِِّ آلشًِْفْآيَفْ
قلب جديد
 
الصورة الرمزية هٍَمًسٌِِّ آلشًِْفْآيَفْ
 
تاريخ التسجيل: Aug 2009
العمر: 27
المشاركات: 132
معدل تقييم المستوى: 9
هٍَمًسٌِِّ آلشًِْفْآيَفْ سوف يكون مشهور قريبا
افتراضي

يعطيك العافيه اخوي .. كثير تحصل الاشياء هذي..
هٍَمًسٌِِّ آلشًِْفْآيَفْ غير متواجد حالياً   رد مع اقتباس
قديم 11-09-2009, 02:14 PM   #5
جنوني يحليني

 
الصورة الرمزية جنوني يحليني
 
تاريخ التسجيل: Oct 2009
الدولة: ●▪●في قلب يغليني●▪●
المشاركات: 2,504
معدل تقييم المستوى: 10
جنوني يحليني سوف يكون مشهور قريبا
افتراضي

دلسوع
شاكر لك ع مرورك
__________________
جنوني يحليني غير متواجد حالياً   رد مع اقتباس
قديم 11-09-2009, 03:11 PM   #6
عاقلة لحد الجنون
قلب مبدع متألق
 
الصورة الرمزية عاقلة لحد الجنون
 
تاريخ التسجيل: Jun 2009
المشاركات: 897
معدل تقييم المستوى: 15
عاقلة لحد الجنون هو اسم معروف للجميععاقلة لحد الجنون هو اسم معروف للجميععاقلة لحد الجنون هو اسم معروف للجميععاقلة لحد الجنون هو اسم معروف للجميععاقلة لحد الجنون هو اسم معروف للجميععاقلة لحد الجنون هو اسم معروف للجميع
افتراضي

دمعت عيني.قدر الله وماشاء فعل.الله يعطيك العافية بانتظار جديدك...
__________________
عاقلة لحد الجنون غير متواجد حالياً   رد مع اقتباس
قديم 11-09-2009, 04:11 PM   #7
جنوني يحليني

 
الصورة الرمزية جنوني يحليني
 
تاريخ التسجيل: Oct 2009
الدولة: ●▪●في قلب يغليني●▪●
المشاركات: 2,504
معدل تقييم المستوى: 10
جنوني يحليني سوف يكون مشهور قريبا
افتراضي

عاقلة لحد الجنون
نورتي بمرورك العطر
__________________
جنوني يحليني غير متواجد حالياً   رد مع اقتباس
قديم 11-09-2009, 05:09 PM   #8
معاك الله يالاخضر
قلب جديد
 
الصورة الرمزية معاك الله يالاخضر
 
تاريخ التسجيل: Aug 2009
المشاركات: 48
معدل تقييم المستوى: 0
معاك الله يالاخضر سوف يكون مشهور قريبا
افتراضي

والله من جد تعور القلب اقول اقراءو الموضوع الى كتبته الفتيات والذئاب
معاك الله يالاخضر غير متواجد حالياً   رد مع اقتباس
قديم 11-09-2009, 05:13 PM   #9
لمعة دموعي

آلّم ـتْنِّي ج ـــرُوُحِ ـيَّ

 
الصورة الرمزية لمعة دموعي
 
تاريخ التسجيل: Apr 2009
الدولة: الـوداع أحبتي قلوب ..
المشاركات: 13,181
معدل تقييم المستوى: 23
لمعة دموعي مـــذهللمعة دموعي مـــذهل
افتراضي

~●ღ رووووعه يعطيك العافيه قصه محزنه وياله من ندم ودي ღ●~
__________________
.
.
.
.
.
.
.حانت لحظة الوداع (( وداعاً آل قلوب )) أذكروني بخير ..
20-3-1432 هـ
3:45 ص
( ماجد الفوزان )

لمعة دموعي غير متواجد حالياً   رد مع اقتباس
قديم 11-09-2009, 05:23 PM   #10
جنوني يحليني

 
الصورة الرمزية جنوني يحليني
 
تاريخ التسجيل: Oct 2009
الدولة: ●▪●في قلب يغليني●▪●
المشاركات: 2,504
معدل تقييم المستوى: 10
جنوني يحليني سوف يكون مشهور قريبا
افتراضي

أهلا بكم نورتو متصفحي
معاك يالأخضر-لمعة دموعي
__________________
جنوني يحليني غير متواجد حالياً   رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
اكثر من مليون نكته بنت مصريه نكت 14 04-19-2013 04:08 PM
قصة بنت سعودية مع شاب فرنسي<<<اضحك حتئ تنقز عيونك ŦĤΣ ŁEĞΣЙĐ منتدى الضحك والفرفشة 25 12-31-2009 09:29 PM
قصة زواج بنت مضحكه وواقعيه لاتفوتكم عبادي1 منتدى الضحك والفرفشة 10 11-20-2009 06:47 PM
قصة للـ+18 ، خالد و شوق .!.؟ ' dont try ' القصص والروايات 6 11-16-2009 04:18 PM
رواي أيام مثل الورد ة الرومانسية جدا جدا قمه الابداع القصص والروايات 4 10-07-2009 01:24 AM



الساعة الآن 07:34 AM.
Powered by vBulletin® Copyright ©2000 - 2017, Jelsoft Enterprises Ltd.
جميع الحقوق محفوظه - منتدى قلوب

كل المشاركات المطروحه تعبر عن رأي صاحبها لاعلاقه لإداره قلوب بها لانها وجهه نظر شخصيه تقتصر على صاحبها.


الاستضافة السعودية - شات - شات سعودي - شات كتابي - شات خليجي - شات تعب قلبي - تعب قلبي - شات - شات الشله - الشله - شات - شات الود - الود - شات